"Real Madrid" Kilian Mbappega qanday moliyaviy shartlarni taklif qilayotgani ma’lum bo‘ldi.
Marca xabariga ko‘ra, "Real Madrid"ning 25 yoshli fransiyalik futbolchi uchun taklifi 2022 yildagidek bo‘ladi: soliqlar to‘langanidan keyin yiliga 26 million yevro maosh va 130 million imzo bonusi.
Transfer muhokamalari kelasi hafta boshlanadi. Qayd etilishicha, agar bu safar "PSJ" hujumchisining transferi amalga oshmasa, "Real" nihoyat o‘z nomzodidan voz kechadi va keyin uni qo‘lga kiritishga urinmaydi.