"Arsenal" yarim himoyachisi Mohammad Elneni qishki transfer oynasida klubini o‘zgartirishi mumkin.

Taniqli insayder Fabrisio Romanoning so‘zlariga ko‘ra, avvalroq xabar qilinganidek, misrlikning xizmatlariga nafaqat "Trabzonspor", balki "Beshiktosh" ham qiziqmoqda.

Bundan tashqari, manba Saudiya Arabistoni klublari ehtimoliy transfer shartlarini o‘rganishga kirishganini aytdi.

Joriy mavsumda 31 yoshli Elneni atigi to‘rtta o‘yinda maydonga tushdi. Transfermarkt portali ma’lumotlariga ko‘ra, futbolchining narxi 4,5 million yevroga teng.