Yarim himoyachi Nemanya Matich qishki transfer oynasida klubini o‘zgartirishi mumkin. "Renn"ning serbiyalik futbolchisiga "Lion" qiziqayotgani avvalroq xabar qilingandi.

Hozirda jurnalist Ekrem Konur ijtimoiy tarmoqlarda “sherlar” 35 yoshli futbolchi uchun muzokaralarni boshlaganini qayd etdi.

2023/2024 yilgi mavsumda Matich 19 ta rasmiy o‘yinda maydonga tushdi. Ularda tajribali yarim himoyachi sheriklariga uchta muvaffaqiyatli uzatmani amalga oshirdi.

Eslatib o‘tamiz, nufuzli Transfermarkt portali ekspertlari Nemanya Matichni 3,5 million yevroga baholamoqda.

“Lion” hozir Liga 1 turnir jadvalida bor-yo‘g‘i 15-o‘rinni egallab turganini qo‘shimcha qilamiz.