Ярим ҳимоячи Неманья Матич қишки трансфер ойнасида клубини ўзгартириши мумкин. "Ренн"нинг сербиялик футболчисига "Лион" қизиқаётгани аввалроқ хабар қилинганди.
Ҳозирда журналист Экрем Конур ижтимоий тармоқларда “шерлар” 35 ёшли футболчи учун музокараларни бошлаганини қайд этди.
2023/2024 йилги мавсумда Матич 19 та расмий ўйинда майдонга тушди. Уларда тажрибали ярим ҳимоячи шерикларига учта муваффақиятли узатмани амалга оширди.
Эслатиб ўтамиз, нуфузли Трансфермаркт портали экспертлари Неманья Матични 3,5 миллион еврога баҳоламоқда.
“Лион” ҳозир Лига 1 турнир жадвалида бор-йўғи 15-ўринни эгаллаб турганини қўшимча қиламиз.
