Madridning “Atletiko” klubi yaqin kunlarda himoyachi Nauel Molina bilan shartnoma uzaytirilishini e’lon qilishi kutilmoqda. Todofichajes xabariga ko‘ra, tomonlar allaqachon yangi mehnat shartnomasi bo‘yicha kelishib olishgan. U 2028 yilning o‘rtalariga qadar davom etadi va Molinaning maoshini oshirishni o‘z ichiga oladi.
Bundan tashqari, avvalroq 30 million yevroga baholangan tovon puli qiymati ortadi.
Eslatib o‘tamiz, 2022 yil oxirida Argentina terma jamoasi tarkibida Molina jahon chempioniga aylangandi. Joriy mavsumda 25 yoshli himoyachi 21 ta o‘yinda maydonga tushib, o‘z hisobiga 2 ta gol va 3 ta golli uzatma yozdirib qo‘yishga erishdi.
