Мадриднинг “Атлетико” клуби яқин кунларда ҳимоячи Науэль Молина билан шартнома узайтирилишини эълон қилиши кутилмоқда. Todofichajes хабарига кўра, томонлар аллақачон янги меҳнат шартномаси бўйича келишиб олишган. У 2028 йилнинг ўрталарига қадар давом этади ва Молинанинг маошини оширишни ўз ичига олади.

Бундан ташқари, аввалроқ 30 миллион еврога баҳоланган товон пули қиймати ортади.

Эслатиб ўтамиз, 2022 йил охирида Аргентина терма жамоаси таркибида Молина жаҳон чемпионига айланганди. Жорий мавсумда 25 ёшли ҳимоячи 21 та ўйинда майдонга тушиб, ўз ҳисобига 2 та гол ва 3 та голли узатма ёздириб қўйишга эришди.