"Yuventus" va Italiya terma jamoasining sobiq darvozaboni Janluiji Buffon darvoza hajmini kattalashtirishni taklif qilmoqda.

Darvozabonning so‘zlariga ko‘ra, bunga zamonaviy darvozabonlarning kattalashib ketgani, maydon o‘yinchilari esa kuchliroq zarba bera boshlagani sabab bo‘lgan.

Zamonaviy darvoza balandligi 2,44 m, kengligi esa 7,32 m.

“Uzoqdan zarba berishda darvozabonning balandligi ta’sirini ko‘rishingiz mumkin. O‘ttiz yil oldin har ellikta zarbaga o‘nta gol bo‘lardi. Ikki metrli darvozabonga uzoqdan gol urish ancha qiyinroq", - deydi Buffon.