Madridning “Real” klubi markaziy himoyachisi David Alaba jarohati haqida fikr bildirdi. Avstriyalik futbolchini “Vilyarreal” bilan o‘yinda almashtirishga majbur bo‘lgan, keyinroq unga xoch-mushak bog‘lami yorilishi tashxisi qo‘yildi.
31 yoshli markaziy himoyachi mavsumning qolgan qismini o‘tkazib yuboradi va Yevro-2024da Avstriya terma jamoasiga yordam bera olmaydi.
"Nima bo‘lganini tushunishim uchun biroz vaqt kerak bo‘ldi. Faoliyatim davomida bir qancha qiyinchiliklarga duch keldim, lekin bu eng qiyini bo‘lishi mumkin. Men jamoadoshlarimga, klubga, oilamga va boshqa barchaga qo‘llab-quvvatlaganliklari uchun minnatdorman", - deb yozadi Alaba ijtimoiy tarmoqlarda.
