Мадриднинг “Реал” клуби марказий ҳимоячиси Давид Алаба жароҳати ҳақида фикр билдирди. Австриялик футболчини “Вильярреал” билан ўйинда алмаштиришга мажбур бўлган, кейинроқ унга хоч-мушак боғлами ёрилиши ташхиси қўйилди.
31 ёшли марказий ҳимоячи мавсумнинг қолган қисмини ўтказиб юборади ва Евро-2024да Австрия терма жамоасига ёрдам бера олмайди.
"Нима бўлганини тушунишим учун бироз вақт керак бўлди. Фаолиятим давомида бир қанча қийинчиликларга дуч келдим, лекин бу энг қийини бўлиши мумкин. Мен жамоадошларимга, клубга, оиламга ва бошқа барчага қўллаб-қувватлаганликлари учун миннатдорман", - деб ёзади Алаба ижтимоий тармоқларда.
