1 yanvardan boshlab “Manchester Yunayted” himoyachisi Rafael Varan xorij klublari bilan muzokaralar olib borish huquqiga ega. Avvalroq, "qizil iblislar" fransuz bilan shartnomani uzaytirish variantini pul tufayli faollashtirishdan bosh tortgani haqida xabar berilgandi - klub 30 yoshli futbolchi bilan kamroq maosh borasida kelishib olmoqchi.
"Manchester Evening News" xabariga ko‘ra, Varan klubning kamroq maosh bo‘yicha taklifini qabul qilish-qilmaslik borasida hali bir qarorga kelmagan. Qayd etilishicha, futbolchi "Manchester Yunayted"ning natijalaridan hafsalasi pir bo‘lgan. Shu bilan birga, 30 yoshli futbolchi yanvar oyida klubini o‘zgartirishni rejalashtirmayapti.
"Manchester Yunayted" hozirda APL turnir jadvalida 7-o‘rinda bormoqda.
