1 январдан бошлаб “Манчестер Юнайтед” ҳимоячиси Рафаэль Варан хориж клублари билан музокаралар олиб бориш ҳуқуқига эга. Аввалроқ, "қизил иблислар" француз билан шартномани узайтириш вариантини пул туфайли фаоллаштиришдан бош тортгани ҳақида хабар берилганди - клуб 30 ёшли футболчи билан камроқ маош борасида келишиб олмоқчи.
"Manchester Evening News" хабарига кўра, Варан клубнинг камроқ маош бўйича таклифини қабул қилиш-қилмаслик борасида ҳали бир қарорга келмаган. Қайд этилишича, футболчи "Манчестер Юнайтед"нинг натижаларидан ҳафсаласи пир бўлган. Шу билан бирга, 30 ёшли футболчи январь ойида клубини ўзгартиришни режалаштирмаяпти.
"Манчестер Юнайтед" ҳозирда АПЛ турнир жадвалида 7-ўринда бормоқда.
