“Andijon” jamoasi tez orada yangi mavsum uchun o‘z yig‘inini boshlaydi. Albatta, muxlislarni tarkibda qanday o‘zgarishlar yuz berishi qiziqtirayotgani bor gap.

Shuni ta’kidlash lozimki, ayrim chiziqlarni yanada kuchaytirish uchun bir qator futbolchilar bilan muzokaralar olib borilyapti. Barchasi hal bo‘lsa, bu borada rasman e’lon beriladi.

Shu bilan birga jamoani tark etgan o‘yinchilar ham bor. Jumladan, Ibrohim G‘anixonov, Bobur Farhodov, Sardor Abdunabiyev va Abbos Ergashboyev bilan do‘stona ravishda xayrlashildi. Ular bilan tuzilgan shartnomalar 2023 yilning 31 dekabr kuni nihoyasiga yetdi.

"Ushbu futbolchilarga “Andijon” klubida olib borgan faoliyatlari uchun minnatdorlik bildiramiz va yangi mavsumda ularga omad tilab qolamiz", - deyiladi klub bayonotida.