“Андижон” жамоаси тез орада янги мавсум учун ўз йиғинини бошлайди. Албатта, мухлисларни таркибда қандай ўзгаришлар юз бериши қизиқтираётгани бор гап.
Шуни таъкидлаш лозимки, айрим чизиқларни янада кучайтириш учун бир қатор футболчилар билан музокаралар олиб бориляпти. Барчаси ҳал бўлса, бу борада расман эълон берилади.
Шу билан бирга жамоани тарк этган ўйинчилар ҳам бор. Жумладан, Иброҳим Ғанихонов, Бобур Фарҳодов, Сардор Абдунабиев ва Аббос Эргашбоев билан дўстона равишда хайрлашилди. Улар билан тузилган шартномалар 2023 йилнинг 31 декабрь куни ниҳоясига етди.
"Ушбу футболчиларга “Андижон” клубида олиб борган фаолиятлари учун миннатдорлик билдирамиз ва янги мавсумда уларга омад тилаб қоламиз", - дейилади клуб баёнотида.
