"Liverpul"ning sobiq futbolchilari Roberto Firmino va Fabinyo 1 yanvar kuni "Nyukasl"ga qarshi APLning 20-tur uchrashuvida sobiq jamoadoshlarini qo‘llab-quvvatlash uchun "Enfild"ga kelishdi. O‘tgan yozda bu ikki futbolchi Saudiya Arabistoniga ko‘chib o‘tdi, Firmino "Al Ahli"ga, Fabinyo esa "Al Ittihod" bilan shartnoma imzoladi. Arabiston chempionati hozirda fevralgacha tanaffusga chiqdi.
Firmino yana bir maqsadni ko‘zlayotgan bo‘lishi mumkin - Yevropada qishki transfer oynasi ochildi, mish-mishlarga ko‘ra, 32 yoshli forvard Britaniyaga qaytishi mumkin. Unga Saudiya Arabistonining boshqa klublari va Turkiya jamoalari ham qiziqish bildirishmoqda.
