"Ливерпуль"нинг собиқ футболчилари Роберто Фирмино ва Фабиньо 1 январь куни "Ньюкасл"га қарши АПЛнинг 20-тур учрашувида собиқ жамоадошларини қўллаб-қувватлаш учун "Энфилд"га келишди. Ўтган ёзда бу икки футболчи Саудия Арабистонига кўчиб ўтди, Фирмино "Ал Аҳли"га, Фабиньо эса "Ал Иттиҳод" билан шартнома имзолади. Арабистон чемпионати ҳозирда февралгача танаффусга чиқди.
Фирмино яна бир мақсадни кўзлаётган бўлиши мумкин - Европада қишки трансфер ойнаси очилди, миш-мишларга кўра, 32 ёшли форвард Британияга қайтиши мумкин. Унга Саудия Арабистонининг бошқа клублари ва Туркия жамоалари ҳам қизиқиш билдиришмоқда.
