"Yuventus" hujumchisi Moyze Kin klub bilan yangi shartnoma imzolamoqchi.
Bir necha kun avval xabar qilinganidek, 23 yoshli futbolchi asosiy tarkibda doimiy o‘ringa ega bo‘lmasa-da, "byankonerilar"ni tark etish niyatida emas. Insayder Nikolo Skiraning yangilangan ma’lumotlariga ko‘ra, italiyalik futbolchi hozir "Yuventus" bilan shartnomasini uzaytirishga bir qadam qolgan. Yangi kelishuvning amal qilish muddati hozircha oshkor etilmagan.
Kin joriy mavsumda turinliklar safida 12 ta o‘yinda maydonga tushdi, biroq hozircha birorta ham gol va golli uzatmani amalga oshira olmadi. Ayni damda hujumchi jarohatidan davolanishda davom etmoqda, shu sabab jamoasining so‘nggi uchta o‘yinini o‘tkazib yubordi.
