"Ювентус" ҳужумчиси Мойзе Кин клуб билан янги шартнома имзоламоқчи.
Бир неча кун аввал хабар қилинганидек, 23 ёшли футболчи асосий таркибда доимий ўринга эга бўлмаса-да, "бьянконерилар"ни тарк этиш ниятида эмас. Инсайдер Николо Скиранинг янгиланган маълумотларига кўра, италиялик футболчи ҳозир "Ювентус" билан шартномасини узайтиришга бир қадам қолган. Янги келишувнинг амал қилиш муддати ҳозирча ошкор этилмаган.
Кин жорий мавсумда туринликлар сафида 12 та ўйинда майдонга тушди, бироқ ҳозирча бирорта ҳам гол ва голли узатмани амалга ошира олмади. Айни дамда ҳужумчи жароҳатидан даволанишда давом этмоқда, шу сабаб жамоасининг сўнгги учта ўйинини ўтказиб юборди.
