Myunxenning “Bavariya” klubi markaziy himoyachisi Kim Min Chje Janubiy Koreyada yilning eng yaxshi futbolchisi sovrinini olganidan keyin o‘z his-tuyg‘ulari bilan o‘rtoqlashdi.
“Bu mening hayotimdagi eng alohida yil bo‘ldi. Kelajakda bundan ortiq sharafga sazovor bo‘lishimga ishonchim komil emas. Men to‘xtamasligim kerak, ko‘p mehnat qilishim va olg‘a borishim kerak", - deya futbolchining so‘zlarini keltiradi Janubiy Koreya terma jamoasi rasmiy sayti.
Eslatib o‘tamiz, bu oyda Kim Min Chje o‘z terma jamoasi safida Osiyo Kubogida o‘ynaydi, shu sababdan “Bavariya” safida bir nechta uchrashuvlarni o‘tkazib yuboradi.
