O‘zbekiston professional futbol ligasi rasmiy saytidagi ma’lumotga ko‘ra mamlakat XXXIII milliy chempionati bahslari 1 mart sanasidan start oladi.

Hozircha loyiha sifatida taqdim etilgan taqvimga binoan mart oyida jamoalar 4 ta tur uchrashuvlarida maydonga chiqishadi. 5-tur bahslari esa aprel oyining birinchi haftasiga rejalashtirilgan. Shundan so‘ng chempionatimizda U23 jamoalari o‘rtasidagi Osiyo kubogi munosabati bilan tanaffus yuzaga keladi. Bu bo‘shliqni O‘zPFL O‘zbekiston kubogi guruh bosqichi o‘yinlari bilan to‘ldirishni mo‘ljallayapti.

3 may sanasidan Superliga o‘yinlari yana davom ettiriladi. May va iyun oylarida jamoalar birinchi davra o‘yinlarini yakunlab olishlari kutilmoqda. O‘z navbatida 3-11 iyun sanalari FIFA kunlariga ajratilganiligini ham aytib qo‘yish kerak. Iyul oyi Superliga klublari uchun davralar oralig‘idagi ta’til uchun ajratiladi.

Yangi mavsum boshlanishiga ikki oydan kamroq vaqt qolayapti.