Ўзбекистон профессионал футбол лигаси расмий сайтидаги маълумотга кўра мамлакат XXXIII миллий чемпионати баҳслари 1 март санасидан старт олади.

Ҳозирча лойиҳа сифатида тақдим этилган тақвимга биноан март ойида жамоалар 4 та тур учрашувларида майдонга чиқишади. 5-тур баҳслари эса апрель ойининг биринчи ҳафтасига режалаштирилган. Шундан сўнг чемпионатимизда U23 жамоалари ўртасидаги Осиё кубоги муносабати билан танаффус юзага келади. Бу бўшлиқни ЎзПФЛ Ўзбекистон кубоги гуруҳ босқичи ўйинлари билан тўлдиришни мўлжаллаяпти.

3 май санасидан Суперлига ўйинлари яна давом эттирилади. Май ва июнь ойларида жамоалар биринчи давра ўйинларини якунлаб олишлари кутилмоқда. Ўз навбатида 3-11 июнь саналари ФИФА кунларига ажратилганилигини ҳам айтиб қўйиш керак. Июль ойи Суперлига клублари учун давралар оралиғидаги таътил учун ажратилади.

Янги мавсум бошланишига икки ойдан камроқ вақт қолаяпти.