"Tottenxem"ning chap qanot himoyachisi Serxio Regilon "Manchester Yunayted"dagi o‘yindagi his-tuyg‘ulari bilan o‘rtoqlashdi. Eslatib o‘tamiz, ispaniyalik futbolchi so‘nggi olti oy davomida “qizil iblislar” safida ijara asosida o‘ynadi. 4 yanvar, payshanba kuni futbolchining "Tottenxem"ga muddatdan oldin qaytgani ma’lum bo‘ldi.
"Manchester Yunayted"da o‘ynash ajoyib edi. Men jamoaga, muxlislarga va jamoadoshlarimga rahmat aytmoqchiman. Bunday katta klub libosida o‘ynash men uchun sharaf edi. “Qizil iblislar”ga omad tilayman”, - deb post qoldirdi Regilon ijtimoiy tarmog‘ida.
Joriy mavsumda Regilon “Manchester Yunayted” safida barcha turnirlarda 12 ta o‘yinda qatnashib, samarali harakatlarini amalga oshira olmadi. Futbolchining "Tottenxem" bilan shartnomasi 2025 yilning iyun oyi oxirigacha amal qiladi. Transfermarkt portaliga ko‘ra, himoyachining taxminiy narxi 10 million yevroni tashkil qiladi.
