Yangi mavsumga tayyorgarlikni boshlagan “Andijon” jamoasi oldin xabar qilinganidek, 3 yanvarda o‘z qarorgohida to‘plandi va rejalashtirilganidek jamoa a’zolari tibbiy ko‘rikdan o‘tkazildi. Klub bazasida ikki kun davomida shug‘ullangan jamoa bugun ertalab Tojikistonning Xo‘jand shahriga jo‘nab ketdi.
Aleksandr Xomyakov shogirdlari u yerda 5-19 yanvar kunlari mobaynida o‘quv-mashg‘ulot yig‘inini o‘tkazadi. Shuningdek, ikkita nazorat bellashuvi o‘tkazilishi ham rejalashtirilgan
Bundan tashqari, mazkur yig‘inga U-21 jamoamizdan bir qator iqtidorli o‘yinchilar ham jalb qilingan. Shuningdek, mashg‘ulotlarga yana yangi o‘yinchilar ham qo‘shilishi ko‘zda tutilgan. Shartnoma imzolangach, “Andijon” matbuot xizmatining rasmiy sahifalari orqali rasman e’lon qilinadi.
