Янги мавсумга тайёргарликни бошлаган “Андижон” жамоаси олдин хабар қилинганидек, 3 январда ўз қароргоҳида тўпланди ва режалаштирилганидек жамоа аъзолари тиббий кўрикдан ўтказилди. Клуб базасида икки кун давомида шуғулланган жамоа бугун эрталаб Тожикистоннинг Хўжанд шаҳрига жўнаб кетди.
Александр Хомяков шогирдлари у ерда 5-19 январь кунлари мобайнида ўқув-машғулот йиғинини ўтказади. Шунингдек, иккита назорат беллашуви ўтказилиши ҳам режалаштирилган
Бундан ташқари, мазкур йиғинга U-21 жамоамиздан бир қатор иқтидорли ўйинчилар ҳам жалб қилинган. Шунингдек, машғулотларга яна янги ўйинчилар ҳам қўшилиши кўзда тутилган. Шартнома имзолангач, “Андижон” матбуот хизматининг расмий саҳифалари орқали расман эълон қилинади.
