Faqatgina “Manchester Siti”, «Nyukasl» va «Byornli» jamoalari tarkibida yanvar oyida boshlanadigan Afrika va Osiyo kuboklarida ishtirok etadigan futbolchilar yo‘q. Ammo yana 17 ta jamoada jiddiy yo‘qotishlar bor. Endo va Salohning ketishi Kloppga ancha-muncha bosh og‘riq bo‘lishi mumkin. Agar Misr Afrika kubogida uzoqqa borsa, Saloh turli turnirlarda «Liverpul»ning sakkizta o‘yinini o‘tkazib yuborishi ehtimoli bor. Ular orasida ikki marta «Arsenal»ga qarshi bahs kutib turibdi.
Yanvar oyida bo‘lib o‘tadigan qit’a birinchiliklari sabab APLda klublariga yordam bera olmaydigan futbolchilar ramziy terma jamoasini e’tiboringizga havola etamiz.
Darvozabon: Andre Onana ("Manchester Yunayted"/ Kamerun)
“Qizil iblislar” tarkibida Oanadan ko‘ra yaxshiroq darvozabon yo‘q. De Xea qaytarilmadi, ispaniyalik darvozabon ayni vaqtda erkin agent. Onana bir nechta xatolarga yo‘l qo‘ydi, lekin APLda ancha-muncha seyvlar amalga oshirdi, "Manchester Yunayted" hali ham asosiy darvozabonga muhtoj. Kamerunlik avvaliga terma jamoa bilan xayrlashgan edi, ammo keyin esa qaytdi. Shubhasiz, Onananing yo‘qligi Ten Xag boshchiligidagi "Manchester Yunayted"ga bosh og‘riq bo‘ladi.
Himoyachilar: Serj Orye ("Nottingem Forest"/ Kot- d’Ivuar)
"Nottingem Forest" bir vaqtning o‘zida olti nafar futbolchisidan mahrum bo‘ladi. Ularning barchasi Afrika kubogiga boradi. Orye ular orasida eng mashhuri hisoblanadi. Serj avvalgi darajasidamasdir, ammo tajribali ivuarlik o‘ng qanotni qanday muhofaza qilishni biladi, hujum qiladi va kurashga kirishadi. Endi «o‘rmonchilar» Premyer-liga mavsumida boshlang‘ich tarkibda bor-yo‘g‘i uchta o‘yin o‘tkazgan jahon chempioni Montiyelga ko‘z tikadi.
Naif Ager ("Vest Xem"/ Marokash)
“Vest Xem” turnir jadvalida “Manchester Yunayted”dan yuqorida, marokashlik Ager esa 16 turda maydonga tushgan asosiy himoyachi hisoblanadi. Qatar mundialining sensasiyalaridan biriga aylangan jamoa Afrika kubogida ham yaxshi o‘yin ko‘rsatishga umid qilmoqda. Ularga «Renn»da o‘ynagan ulkan himoyachi kerak. Ager Zuma bilan tandemda harakat qildi, endi maydonda gresiyalik Mavropanos va faxriy Ogbonna bo‘lishi kutilmoqda.
Villi Boli ("Nottingem Forest"/ Kot- d’Ivuar)
"Nottingem Forest"ning yana bir o‘yinchisi, bu tarkibda yana Ivuarlik. Afrika kubogi Villi Bolining vatanida bo‘lib o‘tadi. Avvalroq «bo‘rilar» safida to‘p surgan faxriy himoyachi Parij yaqinida tug‘ilga va yaqinda Afrika terma jamoasiga kelib qo‘shildi. U mashhur «Clairefontaine» markazida o‘sgan va Fransiya yoshlar terma jamoalarida o‘ynagan. U ko‘pchilik kutganidek yulduz bo‘la olmadi hamda ota-bobolarining vataniga qaytdi.
Takexiro Tomiyasu («Arsenal»/ Yaponiya)
«Arsenal»da yaponiyalik uchun hammasi yaxshi bo‘lmadi. Dekabr oyida Takexiro jarohat olib safdan chiqqandi. Ko‘p qirrali himoyachi «kanonirlar»ni tark etishi ham mumkin edi, ammo Osiyo kubogi unga xotirjamlik bilan ijaraga yangi klub tanlashga to‘sqinlik qiladi. Tomiyasu ba’zida qanotda ham, markaziy himoyada ham o‘ynay oladi, ammo Artetaga ishonchli himoyachilar kerak. Takexiro esa yangi sinovga muhtoj.
Muqobil variantlar: Rayan Ait-Nuri («Vulverxempton»/Jazoir), Ola Ayna ("Nottingem Forest"/Nigeriya), Kim Ji-Su («Brentford»/Janubiy Koreya), Foday Ballo-Ture («Fulxem»/Senegal), Kalvin Bassi («Fulxem»/Nigeriya), Issa Kabore («Luton»/Burkina-Faso), Mussa Niakate ("Nottingem Forest"/Senegal), Yaser Laroussi ("Sheffild Yunayted"/Jazoir), Jastin Xubner («Vulverxempton»/ Indoneziya).
Yarim himoyachilar: Iv Bissuma («Tottenxem»/ Mali)
«Arsenal»dan ganalik Partey Afrika kubogida o‘ynamaydi. Rasmiy ravishda jarohat tufayli, lekin qonun bilan bog‘liq muammolar ham aralashishi mumkin, tayanch yarim himoyachi zo‘ravonlikda ayblanmoqda. Bissuma faqat «shporlar»ning raqiblariga qarshi kuch ishlatdi. «Tottenxem»dan yetakchi Son va ikki markaziy yarim himoyachi Sarr va Bissumma tark etadi - kuchli to‘rtlik uchun kurashayotgan jamoa uchun jiddiy yo‘qotish.
Muhammad Kudus ("Vest Xem"/ Gana)
“Vest Xem” 5 ochkolik farq bilan «shporlar»dan ortda qolmoqda. «Bolg‘achilar» yangi kelgan Kudusdan mamnun, uni Moyes hujumning o‘ng qanotida va hujumchi ortida joylashtirgan. Ganalik forvard APLda oltita gol va bitta golli uzatmaga ega. Yevropa ligasida ham muvaffaqiyatlar bor. Bu "Vest Xem" uchun jiddiy yo‘qotish, jazoirlik Benrahma unchalik sermahsul emas.
Kaouru Mitoma («Brayton»/ Yaponiya)
«Brayton»da Mitoma o‘rniga tayyor o‘rinbosar yo‘q, garchi De Zerbi hujum chizig‘ida ko‘p qirrali o‘yinchilarni ishlatib, zaxira o‘yinchilarni jalb qilishga harakat qilmoqda. Adingra ham qit’a turniriga jo‘nab ketadi. Demak, portugaliyalik Joau Pedro chap qanotda o‘ynay oladi, chunki ispaniyalik Ansu Fati jarohat olgan. Mitoma yangi mavsumda avvalgidek taassurot qoldirmayapti, ammo yaponiyaliklar undan ko‘p narsani kutmoqda.
Muqobil variantlar: Vataru Endo («Liverpul»/YAponiya), Sofian Amrabat ("Manchester Yunayted"/Marokash), Anis Slimani ("Sheffild Yunayted"/Tunis), Bubakar Traore («Vulverxempton»/Mali), Sheyxu Kuyate ("Nottingem Forest") /Senegal), Ibrahima Sangare ("Nottingem Forest"/Ivuar), Idrissa Gueye («Everton»/Senegal), Frank Ogochukvu («Brentford»/Nigeriya), Yoxan Vissa («Brentford»/Kongo Demokratik Respublikasi), Mohamed Elneni («Arsenal»/Misr), Pape Sarr («Tottenxem»/Senegal).
Hujumchilar: Muhammad Saloh («Liverpul»/Misr)
Saloh bu mavsum Premyer-ligada 14 ta gol va 8 ta golli uzatmani amalga oshirdi; «Liverpul» uchun Muhammadni bir necha haftaga yo‘qotish haqiqiy falokat. Soboslai Aleksandr-Arnold kabi ko‘p golli uzatmaga ega emas. Darvin Nunes hali moslashmadi, Gakpoda markaziy himoyachi van Deyk kabi "gol plyus pas"da 4 ochko bor. Salohning ketishi ta’qibchilar uchun «Liverpul»dan o‘zib ketish imkoniyatidir.
Niklas Jekson («Chelsi»/ Senegal)
«Bo‘rilar»dan janubiy koreyalik Xi Chan ko‘proq gol urgan bo‘lsada, biz «Chelsi» hujumchisini o‘zimizga boshlang‘ich nuqta sifatida olamiz. Undan ko‘ra rang-barangroq, chunki u bir nechta pozisiyalarda o‘ynab ko‘rdi va «aristokratlar» e’tiborini qozondi. Jekson tajribasiz va Londonga kelguniga qadar har doim ham hujum markazida o‘ynamagan. Pochettino hujumchi qidirmoqda, Nikolas esa Senegalga Afrika chempionligini himoya qilishda yordam berishga intilmoqda.
Son Xyon Min («Tottenxem»/ Janubiy Koreya)
«Tottenxem» afsonasi, jamoa yetakchisi Son dunyo iyerarxiyasida Saloh kabi maqomga ega emas. Ammo Keyn ketganidan keyin aynan Janubiy Koreya terma jamoasi yetakchisi «shporlar»ning asosiy merganiga aylangandi. Uning hisobida Premyer-ligada 12 ta gol va 5 ta golli uzatma bor. Murabbiy Postekoglu hujum markazida Richarlisonga ishonishga majbur, ammo braziliyalik Osiyo jamoatchiligining sevimlisidek barqaror emas.
Muqobil variantlar: Xvan Xi-CHan («Vulverxempton»/Janubiy Koreya), Antuan Semenyo («Bornmut»/Gana), Saman G‘oddos («Brentford»/Eron), Dango Uattara («Bornmut»/Burkina-Faso), Amad Diallo ("Manchester Yunayted"/Ivuar), Simon Adingra («Brayton»/Ivuar), Jordan Ayyu ("Kristal Pelas"/Gana), Aleks Ivobi («Fulxem»/Nigeriya).
Premyer-liga klublari 39 nafar futbolchini vaqtinchalik yo‘qotadi va o‘rtacha ariza 25 futbolchi atrofida. Yanvar oyi o‘rtalarida Angliya chempionatini barcha afrikalik va osiyoliklar tark etmasligi ham omadli. Hamma o‘yinchilar ham favorit va asosiy tarkibni ifodalamasligi aniq. Ammo Premyer-ligada omon qolish uchun kurash ham keng miqyosdagi o‘yin bo‘lib, "Nottingem Forest" olti kishini yo‘qotadi, ulardan besh nafari asosiy tarkibda.
