Ispaniyaning mashhur Marca gazetasi meksikalik hujumchi Xavyer "Chicharito" Ernandes o‘zining qadrdon "Chivas" klubiga qaytayotgani haqida xabar berdi.
Aynan "Chivas" klubidan Ernandes 2010 yilda "Manchester Yunayted"ga ko‘chib o‘tgan va u yerda jami 103 ta o‘yin o‘tkazib, 37 ta gol urgan.
2020 yildan buyon meksikalik futbolchi “Los-Anjeles Gelaksi”da o‘ynab kelmoqda. So‘nggi paytlarda futbolchining jarohati tufayli asosiy tarkibga tushish ehtimoli kamaygan. 2023 yilda Xavyer Kaliforniya klubi safida bor-yo‘g‘i 12 ta o‘yinda qatnashgan.
Futbolchi Meksika terma jamoasi safida 109 ta o‘yinda maydonga tushib, 52 bor raqiblar darvozasini ishg‘ol qilgan.