Испаниянинг машҳур Marca газетаси мексикалик ҳужумчи Хавьер "Чичарито" Эрнандес ўзининг қадрдон "Чивас" клубига қайтаётгани ҳақида хабар берди.
Айнан "Чивас" клубидан Эрнандес 2010 йилда "Манчестер Юнайтед"га кўчиб ўтган ва у ерда жами 103 та ўйин ўтказиб, 37 та гол урган.
2020 йилдан буён мексикалик футболчи “Лос-Анжелес Гэлакси”да ўйнаб келмоқда. Сўнгги пайтларда футболчининг жароҳати туфайли асосий таркибга тушиш эҳтимоли камайган. 2023 йилда Хавьер Калифорния клуби сафида бор-йўғи 12 та ўйинда қатнашган.
Футболчи Мексика терма жамоаси сафида 109 та ўйинда майдонга тушиб, 52 бор рақиблар дарвозасини ишғол қилган.
