"Lokomotiv" PFK iqtidorli hujumchi Jasur Hakimov bilan kelishuvga erishdi. 1994-yil 24-may kuni tavallud topgan Jasur Hakimov professional futbolchilik faoliyatini "So‘g‘diyona", "Metallurg", "Paxtakor", "Qo‘qon-1912", OKMK, "Buxoro", "Turon" kabi klublarda o‘tkazgan.

Shuningdek, o‘tgan mavsum "Bunyodkor" safida harakat qilib, jamoaning eng yaxshi to‘purari bo‘ldi. Jasur Hakimov faoliyati davomida Superligada 30ta gol urgan. Bo‘yi 186 sm bo‘lgan futbolchi markaziy hujum chizig‘idan tashqari har ikki qanot yarim himoyasida ham o‘ynay oladi.

"Temiryo‘lchilar" safiga xush kelibsan, Jasur! "Loko" safida ko‘plab golar urishingga tilakdoshmiz" - deyiladi toshkentliklarning rasmiy sahifasida.