"Локомотив" ПФК иқтидорли ҳужумчи Жасур Ҳакимов билан келишувга эришди. 1994-йил 24-май куни таваллуд топган Жасур Ҳакимов профессионал футболчилик фаолиятини "Сўғдиёна", "Металлург", "Пахтакор", "Қўқон-1912", ОКМК, "Бухоро", "Турон" каби клубларда ўтказган.
Шунингдек, ўтган мавсум "Бунёдкор" сафида ҳаракат қилиб, жамоанинг энг яхши тўпурари бўлди. Жасур Ҳакимов фаолияти давомида Суперлигада 30та гол урган. Бўйи 186 см бўлган футболчи марказий ҳужум чизиғидан ташқари ҳар икки қанот ярим ҳимоясида ҳам ўйнай олади.
"Темирйўлчилар" сафига хуш келибсан, Жасур! "Локо" сафида кўплаб голар уришингга тилакдошмиз" - дейилади тошкентликларнинг расмий саҳифасида.
