"RB Leypsig" bosh murabbiyi Marko Roze hujumchi Timo Vernerning "Tottenxem"ga ijarasi haqida gapirdi.
Nemis futbolchisi joriy mavsumda “Red Bulls”ning asosiy tarkibiga kira olmadi, shu sababdan u ketishga qaror qildi.
Kelishuv yaqin vaqt ichida rasmiylashtirilishi kutilmoqda. “U ijaraga ketmoqchi. Uning maqsadi yozda Germaniya terma jamoasi tarkibida Yevropa chempionatiga borish.
Biz unga eng yaxshi tilaklarni tilab qolamiz”, - deya Rozening so‘zlarini keltiradi jurnalist Ben Jeykobs.
Ma’lumki, ijara shartnomasida keyinchalik sotib olish varianti ko‘zda tutilgan. "Shporlar" bosh murabbiyi Anje Postekoglouning shaxsan o‘zi Timo Vernerni sotib olishni talab qildi.
