Milanning “Inter” klubi hujumchisi Lautaro Martines tez orada klub bilan yangi shartnoma imzolaydi.

Yozdan beri tomonlar o‘rtasidagi muzokaralar davom etmoqda va yaqinda xabar qilinganidek, yaqin orada shartnoma imzolanadi. Insayder Nikolo Skiraning so‘zlariga ko‘ra, muhokamalar yakuniy bosqichga yetgan. Kutilganidek, Lautaroning yangi shartnomasi 2028 yilgacha mo‘ljallangan bo‘lib, forvardning maoshi, manbaga ko‘ra, yiliga 8 million yevro va turli bonuslar qo‘shiladi.

Lautaro Martines "Inter"da 2018 yildan beri o‘ynab kelmoqda. Joriy mavsumda 26 yoshli argentinalik futbolchi 24 ta uchrashuvda ishtirok etib, 18 ta gol va 4 ta golli uzatmani amalga oshirdi.