Миланнинг “Интер” клуби ҳужумчиси Лаутаро Мартинес тез орада клуб билан янги шартнома имзолайди.

Ёздан бери томонлар ўртасидаги музокаралар давом этмоқда ва яқинда хабар қилинганидек, яқин орада шартнома имзоланади. Инсайдер Николо Скиранинг сўзларига кўра, муҳокамалар якуний босқичга етган. Кутилганидек, Лаутаронинг янги шартномаси 2028 йилгача мўлжалланган бўлиб, форварднинг маоши, манбага кўра, йилига 8 миллион евро ва турли бонуслар қўшилади.

Лаутаро Мартинес "Интер"да 2018 йилдан бери ўйнаб келмоқда. Жорий мавсумда 26 ёшли аргентиналик футболчи 24 та учрашувда иштирок этиб, 18 та гол ва 4 та голли узатмани амалга оширди.