Madridning “Real” klubi hujumchisi Xoselu Arda Gyulerning debyuti haqida fikr bildirdi. 18 yoshli futbolchi ilk bor "Los Blankos" safida rasmiy o‘yinda maydonga tushdi.
Turkiyalik yarim himoyachi Ispaniya kubogi doirasida "Arandina"ga qarshi o‘yinda (3:1) asosiy tarkibda maydonga tushib, 59-daqiqagacha harakat qildi.
“Men Gyulerga uning debyutidan rohatlanishini aytdim, chunki u uzoq vaqt o‘ynay olmadi, bu uning uchun haqiqatan ham alohida lahza. Arda - biz g‘amxo‘rlik qilishimiz kerak bo‘lgan olmos. Unda ko‘p fazilatlar bor va u ularni namoyish etishda davom etadi", - deya Xoselu so‘zlarini keltiradi Madrid Zone.
Arda Gyuler 2023 yilning yozida Turkiyaning “Fenerbaxche” klubidan “Real”ga o‘tgan edi.
