Мадриднинг “Реал” клуби ҳужумчиси Хоселу Арда Гюлернинг дебюти ҳақида фикр билдирди. 18 ёшли футболчи илк бор "Лос Бланкос" сафида расмий ўйинда майдонга тушди.
Туркиялик ярим ҳимоячи Испания кубоги доирасида "Арандина"га қарши ўйинда (3:1) асосий таркибда майдонга тушиб, 59-дақиқагача ҳаракат қилди.
“Мен Гюлерга унинг дебютидан роҳатланишини айтдим, чунки у узоқ вақт ўйнай олмади, бу унинг учун ҳақиқатан ҳам алоҳида лаҳза. Арда - биз ғамхўрлик қилишимиз керак бўлган олмос. Унда кўп фазилатлар бор ва у уларни намойиш этишда давом этади", - дея Хоселу сўзларини келтиради Madrid Zone.
Арда Гюлер 2023 йилнинг ёзида Туркиянинг “Фенербахче” клубидан “Реал”га ўтган эди.
