"Tottenxem" "Jenoa" markaziy himoyachisi Radu Dregushin bilan shartnoma imzolaganini e’lon qilishga tayyorlanmoqda.

"Shporlar" o‘tgan oydan beri ruminiyalik futbolchining transferi ustida ishlamoqda, biroq so‘nggi paytlarda 21 yoshli futbolchini o‘z safiga jalb qilmoqchi bo‘lganlar sezilarli darajada ko‘paygan. “Napoli” Dregushinni tortib olishga urindi, biroq, aftidan, uddasidan chiqa olmadi. Insayder Fabrisio Romanoning so‘zlariga ko‘ra, "Tottenxem" hamon vaziyatni nazorat qiladi va muzokaralarning muvaffaqiyatli yakuniga yaqinlashmoqda. "Shporlar" yaqin kunlarda kelishuvni yakunlashni kutmoqda.

Transfermarkt portali Radu Dragushinning narxini 20 million yevroga baholamoqda, biroq “Jenoa” ba’zi manbalarga ko‘ra, taxminan 30 million so‘ramoqda.