"Тоттенхэм" "Женоа" марказий ҳимоячиси Раду Дрэгушин билан шартнома имзолаганини эълон қилишга тайёрланмоқда.
"Шпорлар" ўтган ойдан бери руминиялик футболчининг трансфери устида ишламоқда, бироқ сўнгги пайтларда 21 ёшли футболчини ўз сафига жалб қилмоқчи бўлганлар сезиларли даражада кўпайган. “Наполи” Дрэгушинни тортиб олишга уринди, бироқ, афтидан, уддасидан чиқа олмади. Инсайдер Фабрицио Романонинг сўзларига кўра, "Тоттенхэм" ҳамон вазиятни назорат қилади ва музокараларнинг муваффақиятли якунига яқинлашмоқда. "Шпорлар" яқин кунларда келишувни якунлашни кутмоқда.
Transfermarkt портали Раду Драгушиннинг нархини 20 миллион еврога баҳоламоқда, бироқ “Женоа” баъзи манбаларга кўра, тахминан 30 миллион сўрамоқда.
