Britaniyaning "LondonWorld" nashri ochiq manbalar asosida Angliya premyer-ligasi klublarining so‘nggi 3 mavsumdagi moliyaviy barqarorligi reytingini tuzib chiqdi. 20 jamoadan 15tasi uch mavsum davomida zararga ishlayotgani ma’lum bo‘ldi.

Ushbu davrda «Everton» eng ko‘p zarar ko‘rgan jamoa ekani aniqlandi. Klubning 3 yillik zarari 520,1 mln funtga teng bo‘ldi. «Chelsi»ning zarari esa 409 mln funtga baholangan bo‘lsa, "Aston Villa" 300 mln funtdan biroz ko‘proq zarar ko‘rgan.

"Manchester Yunayted"ning uch yillik zarari esa 302,3 million funtga teng bo‘lgan.

So‘nggi 3 mavsumda zarar ko‘rgan APL klublari:

1. Everton: zarar — 520,4 mln funt sterling;
2. Chelsi: zarar — 409 mln funt sterling;
3. Aston Villa: zarar — 306,6 mln funt sterling;
4. Manchester Yunayted: zarar — 302,3 mln funt sterling;
5. Fulxem: zarar — 197,5 mln funt sterling;
6. Brayton: zarar — 160,4 mln funt sterling;
7. Kristal Pelas: zarar — 157,9 mln funt sterling;
8. Vulverxempton: zarar — 152,2 mln funt sterling;
9. Arsenal: zarar — 115,4 mln funt sterling;
10. Bornmut: zarar — 98,6 mln funt sterling;
11. Nottingem Forest: zarar — 77 mln funt sterling;
12. Brentford: zarar — 38,4 mln funt sterling;
13. Nyukasl Yunayted: zarar — 19,3 mln funt sterling;
14. Luton Taun: zarar — 4,8 mln funt sterling;
15. Manchester Siti: zarar — 0,5 mln funt sterling;