«Liverpul» o‘tgan yillar davomida yanvar oyidagi transfer oynasida bir qancha qimmat shartnomalar tuzishga muvaffaq bo‘ldi va biz ularning qishki eng qimmat 10 ta bitimini e’tiboringnizga havola etamiz.

Mersisaydliklar ayni vaqtda Premyer-liganing eng yuqori pog‘onasida kelmoqda, Yurgen Klopp mavsumning ikkinchi yarmida chempionlikni qo‘lga kiritish maqsadida har mavsum qishki transferlar oynasida bir qancha futbolchilarni jamoaga taklif qilgan.

10. Daniyel Agger 6 million funt

2006 yilda «Brondbyu»dan olib kelingan Agger o‘zining ishonchli himoyasi va maydonni yaxshi ko‘ra bilishi bilan «Liverpul»da ramziy qahramonga aylandi.

«Liverpul» safida 232 ta o‘yin o‘tkazgan va yana ikki mavsum «Brondbyu»da o‘ynaganidan so‘ng, Agger 2016 yilda futbolchilik faoliyatini yakunlagan.

U futboldan ketishi bilan-oq Marbelaga ko‘chib o‘tdi va u yerda bir qancha bizneslarni yurita boshladi.

9. Fernando Moriyentes - 6.3 million funt

Moriyentesning faoliyati ajoyib kechgan. U 2004 yilda «Monako»ning Chempionlar ligasi finaligacha chiqishida eng katta hissasini qo‘shdi. Fernandoning transfer vakolati "Real Madrid"ga tegishli edi va «Liverpul» ispaniyalik hujumchini "Santyago Bernabeu"dan «Enfild»ga olib kelish uchun 6,3 million funt sterling sarfladi.

Ammo u 18 oy davomida barcha musobaqalarda «Liverpul» safida 60 ta o‘yinda 12 ta gol urgan, keyingi mavsumda esa «Valensiya» safida 19 ta gol urishga muvaffaq bo‘ldi.

8. Martin Shkrtel - 6.5 million funt

Shkrtel 2008 yilda «Zenit»dan kelganidan so‘ng «Liverpul» bilan to‘qqiz mavsumni o‘tkazdi va bu yo‘lda ko‘plab unutilmas lahzalarni boshdan kechirdi.

2016 yilda klubni tark etgandan so‘ng, himoyachi 2022 yilda professional faoliyatini yakunlashdan oldin Turkiya, Italiya va vatani Slovakiya klublarida o‘ynadi.

7. Felipe Koutinyo - 7.5 million funt

Koutinyo «Liverpul»dagi besh yillik faoliyati davomida muxlislarning yodida anchagina saqlanib qoldi.

Jozibali dribling va 35 yarddan to‘pni raqib darvozasigacha olib borish qobiliyati bilan braziliyalik pleymeyker 2018 yilda «Barselona»ga 142 million funt sterlingga sotilishidan oldin Premyer-liganing eng yaxshi o‘yinchilaridan biriga aylandi.

Ammo uning faoliyati allaqachon «Enfild»da cho‘qqiga chiqqandi. Ispaniyadagi umidsizlikdan so‘ng, Koutinyo "Aston Villa"ga kelib qo‘shildi va Unai Emeri qo‘l ostida o‘zining dastlabki kunlarida bir oz muvaffaqiyatga erishdi.

Ayni damda 31 yoshli yarim himoyachi Qatarda «Al-Duhail»da ijara asosida o‘ynamoqda.

6. Daniyel Starij - 12 million funt

2013 yilda «Chelsi»dan shartnoma imzolagan Starrij o‘zining eng yaxshi davrlarini aynan London klubida o‘tkazdi.

Jarohatlar unga keyingi faoliyatida to‘sqinlik qildi va «Trabzonspor» va "Pert Glori" bilan qisqa vaqt o‘tkazgandan so‘ng, u hozirda erkin agentga aylangan.

5. Luis Suares - 25 million funt

Suares «Enfild»ga 2011 yilda Fernando Torres bilan tandem sifatida o‘ynashi uchu olib kelingan edi, faqat Endi Kerroll orada raqobat yaratib turardi.

Yaxshiyamki, urugvaylik hujumchi ishonchni oqladi. Uning «Liverpul»dagi faoliyati bahs-munozaralardan xoli bo‘lmagan, ammo 2013/14 yilgi mavsumda 31 ta gol va 17 golli uzatma uzoq vaqt xotirada qoladi.

Hozirda u Braziliyaning «Gremio» klubidan ketdi va "Inter Mayami"ning 2024 yilgi MLS kampaniyasida eski do‘st Messi bilan birga bo‘ladi.

4. Endryu Kerrol - 35 million funt

2011 yilda Britaniya rekordi – 35 million funt sterling evaziga vertolyotda «Liverpul»ga yetib kelgan. Atigi 14 ta gol urgan Kerrollga katta umid bog‘lagan edi.

Kerol APLning 44 o‘yinida bor yo‘g‘i 6 ta gol urdi, undan oldin "Vest Xem"ga boshlang‘ich to‘lovning yarmidan kamrog‘iga yuborildi.

Ayni vaqtda 35 yoshni qarshilagan hujumchi Fransiyaning «Amiyen» klubida faoliyatini davom ettirmoqda.

3. Kodi Gakpo - 37.2 million funt

«Liverpul» Gakpo bilan shartnoma imzolash uchun vaqtni boy bermadi, chunki «qizillar» o‘tgan yilning yanvar oyida trnasfer oynasi ochilishidan oldin PSV bilan kelishuvga erishgan edi.

Niderlandiya terma jamoasi futbolchisi Yurgen Kloppga jamoasiga kelishi bilan-oq asosiy tarkibga kirdi. Murabbiy uni ko‘pincha Darvin Nunyes va Diogo Jota kabilar bilan almashtiradi.

2. Luis Dias - 37.5 million funt

2022 yilda Sadio Mane taxti vorisi sifatida shartnoma imzolangan Diazda «Enfild»da uzoq va muvaffaqiyatli faoliyat olib borish uchun barcha sifatlar mavjudligini isbotlab bormoqda.

Uning ingliz futbolidagi birinchi yarim mavsumi muvaffaqiyatli kechmadi, chunki kolumbiyalik futbolchi gol urishdan ko‘ra ko‘proq assist qayd etdi.

«Liverpul»dagi 2022-23 yilgi mavsumni u jarohat tufayli o‘tkazib yubordi, ammo qanot yarim himoyachisi «Nyukasl» ustidan qozonilgan g‘alabada katta taassurot qoldirdi va «qizillar»ning Premyer-liga chempionligini qo‘lga kiritish umidida muhim rol o‘ynaydi.

1. Virjil Van Deyk - 75 million funt

2017 yilning yozida Van Deykni qo‘ldan boy berganidan so‘ng, «Liverpul» boshqa maqsad sari intilmasdan, o‘z nishonidagi futbolchini olish uchun olti oy kutishga qaror qildi va ularning kutgani bejizga ketmadi.

Markaziy himoyachi «mersisaydliklar» safiga 75 million funt evaziga qo‘shildi, qolgani esa tarix. Klubda o‘ynagan eng buyuk himoyachilardan biri.