Angliya terma jamoasining sobiq hujumchisi Alan Shirer "Liverpul" hujumchisi Darvin Nunyesning o‘yini haqida o‘z fikrlari bilan o‘rtoqlashdi.

Mutaxassisning fikricha, urugvaylik futbolchi yaxshiroq realizasiyani o‘rganishi kerak.

“Menga Nunyesning bir xususiyati yoqadi – bu uning har doim jangga kirish istagi. Lekin u vaziyatlarni to‘g‘ri amalga oshirish ustida ishlashi kerak.

U juda ko‘p imkoniyatlarni o‘tkazib yuboradi. Darvin ko‘pincha bir soniya kutish kerak bo‘lganida o‘zini ofsaydda topadi", - deya Shirerning so‘zlarini keltiradi jurnalist Deyv Okkop.

Joriy mavsumda 24 yoshli Nunyes “Liverpul” safida 29 ta o‘yin o‘tkazib, 8 ta gol urdi va 8 ta golli uzatmani amalga oshirdi.

Hujumchi 2022 yilning yozidan beri mersisaydliklar sharafini himoya qilib kelmoqda; u avvalroq "Benfika" va "Almeriya" klublarida o‘ynagan.