Aнглия терма жамоасининг собиқ ҳужумчиси Aлан Ширер "Ливерпуль" ҳужумчиси Дарвин Нуньеснинг ўйини ҳақида ўз фикрлари билан ўртоқлашди.

Мутахассиснинг фикрича, уругвайлик футболчи яхшироқ реализацияни ўрганиши керак.

“Менга Нуньеснинг бир хусусияти ёқади – бу унинг ҳар доим жангга кириш истаги. Лекин у вазиятларни тўғри амалга ошириш устида ишлаши керак.

У жуда кўп имкониятларни ўтказиб юборади. Дарвин кўпинча бир сония кутиш керак бўлганида ўзини офсайдда топади", - дея Ширернинг сўзларини келтиради журналист Дейв Оккоп.

Жорий мавсумда 24 ёшли Нуньес “Ливерпул” сафида 29 та ўйин ўтказиб, 8 та гол урди ва 8 та голли узатмани амалга оширди.

Ҳужумчи 2022 йилнинг ёзидан бери мерсисайдликлар шарафини ҳимоя қилиб келмоқда; у аввалроқ "Бенфика" ва "Aльмерия" клубларида ўйнаган.