“Chelsi” hujumchisi Kristofer Nkunku yana kasalxonaga yotqizildi.

U yaqinda Angliya kubogi doirasida "Preston Nort End"ga qarshi o‘yinni o‘tkazib yubordi. London jamoasi bosh murabbiyi Maurisio Pochettino fransiyalik futbolchining ahvoli haqida gapirdi.

"U ertaga o‘ynamaydi. Biz ehtiyot bo‘lishimiz kerak. Umid qilamanki, u uzoq vaqtni o‘tkazib yubormaydi.

U mashg‘ulot o‘tkazmayapti, tiklanmoqda. Muammo kichik. Bu o‘tmishdagi jarohat bilan bog‘liq emas, bu boshqa muammo - sondagi kichik muammo", - dedi Pochettino.

Eslatib o‘tamiz, Kristofer Nkunku jarohati tufayli «Chelsi»dagi debyutini dekabr oyida o‘tkaza oldi. 9 yanvar seshanba kuni "Chelsi" Liga kubogi yarim finalida "Midlsbro"ga qarshi o‘ynaydi.