"Yuventus" hujumchisi Moyze Kinga ikki klub qiziqish bildirmoqda.

23 yoshli futbolchi kamdan-kam hollarda Massimiliano Allegri jamoasining asosiy tarkibida maydonga tushadi, shu sababli shu oyning boshida, mish-mishlarga ko‘ra, turinliklar forvardni ijaraga qo‘yib yuborishi mumkin. Insayder Janluka Di Marsioning so‘zlariga ko‘ra, "Monsa" Kin haqida ma’lumot so‘ragan. Italiyalik futbolchini ijaraga olish varianti "Fiorentina"ni ham qiziqtirmoqda. Futbolchining o‘zi hali kelajagi haqida bir qarorga kelmagan.

Moyze Kinning "Yuventus" bilan amaldagi shartnomasi 2025 yilning o‘rtalariga qadar tuzilgan va uning transfer qiymati, Transfermarkt portali ma’lumotlariga ko‘ra, 18 million yevroni tashkil qiladi.