Londonning "Tottenxem" klubi "Jenoa" bilan ruminiyalik himoyachi Radu Dregushinni sotib olish bo‘yicha kelishib oldi, deb xabar beradi Florian Plettenberg.

Manbaga ko‘ra, “shporlar” “Jenoa”ga 25 million yevro va bonuslar bilan to‘laydi. Ruminiyalik futbolchi londonliklar bilan 2029 yilgacha shartnoma imzolaydi. Qayd etilishicha, futbolchiga ham qiziqayotgan "Bavariya" hali Italiya klubiga rasmiy taklif bilan chiqmagan.

Joriy mavsumda Dregushin "Jenoa" safida barcha turnirlarda 22 ta o‘yin o‘tkazib, ikkita gol va bitta golli uzatmani amalga oshirdi. Futbolchining Italiya klubi bilan shartnomasi 2027 yilning iyun oyi oxirigacha amal qiladi. Transfermarkt portaliga ko‘ra futbolchining taxminiy narxi 10 million yevroni tashkil qiladi.