Лондоннинг "Тоттенхэм" клуби "Женоа" билан руминиялик ҳимоячи Раду Дрэгушинни сотиб олиш бўйича келишиб олди, деб хабар беради Флориан Плеттенберг.

Манбага кўра, “шпорлар” “Женоа”га 25 миллион евро ва бонуслар билан тўлайди. Руминиялик футболчи лондонликлар билан 2029 йилгача шартнома имзолайди. Қайд этилишича, футболчига ҳам қизиқаётган "Бавария" ҳали Италия клубига расмий таклиф билан чиқмаган.

Жорий мавсумда Дрэгушин "Женоа" сафида барча турнирларда 22 та ўйин ўтказиб, иккита гол ва битта голли узатмани амалга оширди. Футболчининг Италия клуби билан шартномаси 2027 йилнинг июнь ойи охиригача амал қилади. Transfermarkt порталига кўра футболчининг тахминий нархи 10 миллион еврони ташкил қилади.