"Manchester Yunayted" hujumchisi Antoni Marsyal "Fenerbaxche"ga o‘tishi mumkin.

Avvalroq turk klubi 28 yoshli futbolchiga asosiy da’vogarlardan biri sifatida ko‘rsatilgan edi. Sky Sports'ning yangilangan ma’lumotlariga ko‘ra, tomonlar kelishuvga yaqinroq turibdi.

Fransiyalik futbolchining qishki transfer oynasi yopilgunga qadar mavsum oxirigacha ijara asosida "Fenerbaxche"ga o‘tish ehtimoli yuqori.

Antoni Marsyal joriy mavsumda “qizil iblislar” safida 19 ta o‘yinda maydonga tushib, 2 ta gol va 2 ta golli uzatmaga mualliflik qilgan.

Forvardning shartnomasi iyun oyi oxirida tugaydi va klub rahbariyati avtomatik ravishda bir yilga uzaytirish variantini faollashtirmaslikka qaror qildi.