"Liverpul"ning sobiq futbolchisi Jon Oldrijning fikricha, "mersisaydliklar"ning sobiq sardori Jordan Xenderson Saudiya Arabistoniga faqat pul uchun ketgan.
"Men Xenderson yoki Firminoga hamdard emasman. Qanday qilib nafaqaga chiqqan va ko‘p pul olgan odamga hamdard bo‘lish mumkin? Men ularga achinmayman. Ular o‘z saboqlarini o‘rganadilar. Boshqa joylarda o‘t har doim ham yashil bo‘lavermaydi, shunday emasmi? Jordan buni tushundi. Va u bu haqda biror narsa qilishi kerak bo‘ladi. Qachonki sizda bu o‘yinchilar kabi ko‘p pul bo‘lsa, maydonga tushishingiz shart emas. Ular allaqachon yaxshi ishlamoqda. Ularning nevara va chevaralari ham yaxshi bo‘ladi. Yana nimani xohlaysiz?" - dedi Oldrij Liverpool Echo bilan suhbatda.
Eslatib o‘tamiz, avvalroq 33 yoshli Xenderson 2023 yilning yozida o‘tgan "Al-Ittifoq"ni tark etmoqchiligi haqida xabar berilgandi. Qayd etilishicha, angliyalik yarim himoyachi yangi turmush tarziga, Saudiya Arabistonidagi iqlimga, shuningdek, namlik yuqori bo‘lgan issiq havodagi o‘yinlarga moslasha olmagan.
