"Chelsi" bosh murabbiyi Maurisio Pochettino markaziy himoyachi Tyago Silva haqidagi savolga javob berdi.
39 yoshli braziliyalikning amaldagi shartnomasi iyun oyida yakuniga yetadi. Ma’lumki, faxriy faoliyatini boshida o‘ynagan "Fluminense"ga qaytishi mumkin.
“Men undan 18 yoshga kirgandek mashg‘ulot o‘tkazishini so‘ra olmayman, chunki bu ikki xil daraja. Gap kimningdir yoshiga qarab yaxshiroq yoki yomonroq ekanligida emas, bular butunlay boshqacha yondashuvlardir. U qo‘lidan kelgancha harakat qiladi.
Tyago jamoaga ko‘p yordam bermoqda, u yaxshi harakat qilmoqda", - deya Pochettinoning so‘zlaridan iqtibos keltiradi jurnalist Nizaar Kinsella.
Tyago Silva joriy mavsum “Chelsi” safida 21 ta o‘yinda maydonga tushib, 2 ta gol urishga erishdi.
