"Челси" бош мураббийи Маурисио Почеттино марказий ҳимоячи Тьяго Силва ҳақидаги саволга жавоб берди.
39 ёшли бразилияликнинг амалдаги шартномаси июн ойида якунига етади. Маълумки, фахрий фаолиятини бошида ўйнаган "Флуминенсе"га қайтиши мумкин.
“Мен ундан 18 ёшга киргандек машғулот ўтказишини сўра олмайман, чунки бу икки хил даража. Гап кимнингдир ёшига қараб яхшироқ ёки ёмонроқ эканлигида эмас, булар бутунлай бошқача ёндашувлардир. У қўлидан келганча ҳаракат қилади.
Тьяго жамоага кўп ёрдам бермоқда, у яхши ҳаракат қилмоқда", - дея Почеттинонинг сўзларидан иқтибос келтиради журналист Низаар Кинселла.
Тьяго Силва жорий мавсум “Челси” сафида 21 та ўйинда майдонга тушиб, 2 та гол уришга эришди.
