"RB Leypsig" hujumchisi Lui Openda Timo Vernerning "Tottenxem"ga ijaraga o‘tishi haqidagi fikrlari bilan o‘rtoqlashdi.
27 yoshli germaniyalik futbolchi yaqin orada "shporlar" safiga qo‘shiladi. Kelajakda London klubi forvardni 17 million yevroga sotib olishi mumkin.
"Tottenxem" yaxshi jamoa, Angliyada yuqori baholanadi. O‘ylaymanki, Timo o‘sha yerda o‘z fazilatlarini namoyon etadi", - deya Opendaning so‘zlarini keltirmoqda ingliz OAV.
Timo Verner "RB Leypsig" jamoasidagi o‘rnini yo‘qotgani uchun Angliyaga qaytishga qaror qildi. 2020 yildan 2022 yilgacha futbolchi Londonning “Chelsi” klubi sharafini himoya qilgan va u yerda 89 o‘yinda 23 gol urgan va 21 ta golga assistentlik qilgan.