"PSJ" prezidenti Nosir Al-Xelayfiy o‘tmishda yo‘l qo‘yilgan xatolarni tan oldi.
Parij giganti katta sarmoya kiritganiga qaramay, haligacha asosiy maqsadi – Chempionlar ligasida g‘olib chiqishga erishgani yo‘q. O‘tgan yozda yulduzlar Neymar va Lionel Messi klubni tark etishdi va ularning o‘rnini Randal Kolo-Muani va Usmon Dembele egalladi.
"O‘tgan mavsumlarda xato qilganimni tan olamanmi? Ha, albatta. Biz xatolarga yo‘l qo‘ydik va men hech qachon o‘zimni bunday qilmagandek ko‘rsatmayman. Hozir bizda och, yosh futbolchilar ko‘p. Bizda fransuz o‘ziga xosligi bor, Yevropadagi uchinchi eng yosh jamoa - biz aynan shu narsaga intilgan edik", - dedi Al-Xelayfi L'Equipe nashriga.
