"ПСЖ" президенти Носир Ал-Хелайфий ўтмишда йўл қўйилган хатоларни тан олди.
Париж гиганти катта сармоя киритганига қарамай, ҳалигача асосий мақсади – Чемпионлар лигасида ғолиб чиқишга эришгани йўқ. Ўтган ёзда юлдузлар Неймар ва Лионель Месси клубни тарк этишди ва уларнинг ўрнини Рандал Коло-Муани ва Усмон Дембеле эгаллади.
"Ўтган мавсумларда хато қилганимни тан оламанми? Ҳа, албатта. Биз хатоларга йўл қўйдик ва мен ҳеч қачон ўзимни бундай қилмагандек кўрсатмайман. Ҳозир бизда оч, ёш футболчилар кўп. Бизда француз ўзига хослиги бор, Европадаги учинчи энг ёш жамоа - биз айнан шу нарсага интилган эдик", - деди Ал-Хелайфи L'Equipe нашрига.
